९ बैशाख २०८०, शनिबार
९ वैशाख, झापा । झापामा हात्तीको आक्रमणमा परेर एकजना वृद्धको ज्यान गएको छ । हात्तीले आफ्नो बारीमा लगाको मकै सखाप बनाउन थालेपछि शनिवार बिहान हात्ती धपाउन गएका बुद्ध शान्ति गाउँपालिका वडा नं. ५ खारखोलाका ७० वर्षीय भिमबहादुर भट्टराईको ज्यान गएको हो ।
बिहान करिब साढे ३ बजे बारीमा हात्ती आएको थाहा पाएर भट्टराई हात्ती धपाउन निस्कनु भएको र हात्तीले कुल्चेपछि उनको ज्यान गएको जिल्ला प्रहरी कार्यालय झापाले जनाएको छ । उनको घटनास्थलमा नै ज्यान गएको बताइएको छ ।
केही दिनयता निरन्तर बुद्ध शान्ति गाउँपालिकाका विभिन्न टोलमा हात्ती आएर स्थानीयले लगाएको मकै लगायतका बालीहरू नष्ट गर्दै आएको थियो । स्थानीयहरु रातभर जाग्राम बसेर हात्ती धपाउँदै आएका थिए ।
प्रकाशित मिति: ९ बैशाख २०८०, शनिबार
