मोटरसाइकल चोरी गर्ने प्रहरी जवान पक्राउ

६ वैशाख, रामेछाप । मोटरसाइकल चोरीको आरोपमा एक प्रहरी जवान पक्राउ परेका छन् । पार्किङ गरिराखेको मोटरसाइकल चोरी गर्ने जिल्ला प्रहरी कार्यालय रामेछापमा कार्यरत प्रहरी जवान उपेन्द्रप्रसाद भण्डारी प्रकाउ परेका हुन् ।

उनले नयाँ वर्षको रात मन्थली नगरपालिका– १ का कपडा व्यवसायी रमेश नेपालीको पार्किङ्ग गरिराखेको बागमती प्रदेश ०२–०२८प ०९०७ नम्बरको मोटरसाइकल चोरेको पाइएको छ ।

सवारी धनिले मोटरसाइकल हराएको भन्दै उजुरी दिएपछि प्रहरीले उक्त इलाकामा खोजी तीव्र बनाएको थियो। प्रहरीले उक्त मोटरसाइकल एक घरको कोठाभित्र फेला पारेको थियो । उक्त मोटरसाकलका सबै पाटपुर्जा खोलिएको अवस्थामा फेला परेको थियो ।

प्रहरीले मोटरसाइकल पहिचानका लागि सिसिटिभी फुटेज चेकजाँच गर्दा प्रहरी जवान भण्डारीले नै उक्त मोटरसाइकल चोरी गरेको देखिएपछि हिरासतमा लिइएको छ । अहिले रामेछाप जिल्ला अदालतवाट ७ दिनको म्याद थप गरी थप अनुसन्धान अघि बडाइएको छ ।