५ बैशाख २०८०, मंगलवार
५ वैशाख, काठमाडाैँ। घरको छतबाट खसेर घाइते भएका राष्ट्रिय स्वतन्त्र पार्टीका सभापति रवि लामिछानेका सवारी चालकको थप उपचार काठमाडाैँमा हुने भएको छ । चितवनको पुरानो मेडिकल कलेजमा पहिलो चरणको उपचार गरेर स्वास्थ्य अवस्था स्थिर भएपछि उनलाई काठमाडाैँ ल्याइएको हो ।
घरको छतबाट खसेर घाइते भएका शम्भु थापाको ललितपुरको मेडिसिटी अस्पतालमा उपचार हुने सभापति लामिछानेले जानकारी दिएका छन् । उनलाई मंगलबार नेपाली सेनाको हेलिकप्टरबाट काठमाडाैँ ल्याइएको हो ।
सोमबार बिहान ४ बजेतिर चितवनको घरबाट खसेर उनी गम्भीर घाइते भएका थिए । उनको अहिलेसम्म होस नआएको बताइएको छ ।
प्रकाशित मिति: ५ बैशाख २०८०, मंगलवार
