साताको तेस्रो दिन कतिमा भइरहेको छ सुनको कारोबार ?

५ वैशाख, काठमाडाैँ । नेपाली बजारमा आज मंगलबार पनि सुनको मूल्य स्थिर रहेको छ। आज (आइतबार) प्रतितोला एक लाख १० हजार रुपैयाँमा कारोबार भएको छापावाल सुन मंगलबार पनि सोही मूल्यमा कारोबार भइरहेको नेपाल सुनचाँदी व्यवसायी महासंघले जानकारी दिएको छ ।

यसअघि सोमबार पनि छापावाल सुन प्रतितोला एक लाख १० हजार रुपैयाँमा कारोबार भएको थियो। आज तेजावी सुन पनि आइतबारकै मूल्य प्रतितोला एक लाख ९ हजार ५०० रुपैयाँमा कोरोबार भइरहेको छ।

आज चाँदीको मूल्य भने घटेको छ । चाँदी प्रतितोला ५ रुपैयाँले घटेर एक हजार ४३५ रुपैयाँमा कारोबार भइरहेको महासंघले जनाएको छ ।