४ बैशाख २०८०, सोमबार
४ वैशाख, बागलुङ । बागलुङ नगर खानेपानी तथा सरसफाई उपभोक्ता संस्थाका प्रबन्धक हिमालप्रसाद शर्मा पक्राउ परेका छन् । बागलुङ नगरपालिका –३ सुल्डाँडास्थित खानेपानी प्रशोधन केन्द्रमा कार्यरत कर्मचारीमाथि अभद्र व्यवहार गरेको आरोपमा शर्मा पक्राउ परेका हुन् ।
कर्मचारी र परिवारका सदस्यमाथि शर्माले अभद्र व्यवहार गरेको सूचनाको आधारमा पक्राउ गरी अनुसन्धान थालेको जिल्ला प्रहरी कार्यालय बागलुङका प्रहरी निरीक्षक राजाराम खडकाले जानकारी दिए । पक्राउ पर्ने शर्मा बागलुङ नगरपालिका –३ रात्माटाका स्थानीयवासी हुन् ।
प्रकाशित मिति: ४ बैशाख २०८०, सोमबार
