बागमती सफाइ गर्दा अमेरिकन पेस्तोल भेटियो

२ वैशाख, काठमाडाैँ । काठमाडाैँमा एउटा पेस्तोल फेला परेको छ । साप्ताहिक रूपमा गरिने बागमती सरसफाइका क्रममा शनिबार पेस्तोल फेला परेको हो ।

सफाइको क्रममा तिलगंगाको शारदा स्कुल नजिक अमेरिकी कम्पनीको पेस्तोल फेला परेको जानकारी दिइएको छ ।

उक्त पेस्तोल एउटा झोलामा प्याक गरेर फालिएको अवस्थामा फेला परेको हो । पेस्तोल फेला परेपछि तत्कालै गाैशाला प्रहरीलाई खबर गरिएको थियो ।

प्रहरीले मुचुल्का तयार पारी पेस्तोल लगेको जानकारी दिइएको छ ।