१६ श्रावण २०८३, शनिबार
काठमाडौँ । विश्व कीर्तिमानी नेपाली पर्वतारोही निर्मल पुर्जा ‘निम्स दाइ’ अब हाम्रो बीचमा रहेनन्।
पाकिस्तानको ब्रोड पिक हिमालमा आएको भीषण हिमपहिरोमा परी उनीसहित ६ जना नेपाली आरोहीको मृत्यु भएको पुष्टि भएको छ। निधन हुने अन्य नेपालीमा पुरबहादुर गुरुङ, निमा शेर्पा, किली पेम्बा शेर्पा, ग्यालु शेर्पा र नवाङ थिन्दु शेर्पा रहेका छन्। उनीहरू १० सदस्यीय अन्तर्राष्ट्रिय आरोहण टोलीका सदस्य थिए, जसमा अन्य चार जना विदेशी नागरिक रहेका थिए। बिहीबारदेखि सम्पर्कविहीन रहेका आरोहीहरूको खोजी कार्यपछि शनिबार उनीहरूको मृत्यु भएको पुष्टि भएको हो। यो घटनाले नेपाली पर्वतारोहण क्षेत्रलाई गम्भीर क्षति पुर्याएको छ।
घटनाप्रति प्रधानमन्त्री बालेन शाहले गहिरो दुःख व्यक्त गर्दै दिवंगत आरोहीहरूप्रति श्रद्धाञ्जली अर्पण गरेका छन्। उनले शोकसन्तप्त परिवारजनप्रति समवेदना व्यक्त गर्दै पर्वतारोहण क्षेत्रमा उनीहरूले पुर्याएको योगदान सदैव स्मरणीय रहने बताएका छन्।
प्रकाशित मिति: १६ श्रावण २०८३, शनिबार
