२५ चैत्र २०८२, बुधबार
काठमाडौँ । सरकार र सत्तारुढ दलका शिर्ष नेताहरु नै सदनमा सहभागि नहुँदा सत्तारुढ दलकै सांसदहरुले असन्तुष्टि जनाएका छन् ।
सभाको बुधवारको बैठकमा राष्ट्रिय स्वतन्त्र पार्टीकी सांसद समिक्षा बास्कोटाले संसदको पहिलो ‘रो’मा रहेका खाली कुर्सी देख्दा लोकतन्त्रमाथि प्रहार भइरहेको अनुभूति भइरहेको भन्दै टिप्पणी गरेकी छिन् । उनले लोकतान्त्रिक व्यवस्था कमजोर बनाउन राज्यका संस्थाहरुलाई कमजोर बनाउने इतिहासदेखिको परिपार्टी दोहोरिन थालेको आशंका समेत व्यक्त गरिन् । उनले संसदमा सरकारको कमजोर उपस्थितिले कतै हामी लोकतन्त्रलाई गिज्याइरहेका त छैनौँ ? प्रश्न गरेकी छिन । जारी बैठकमा प्रधानमन्त्री बालेन्द्र साहलगायत मन्त्रीको न्युन उपस्थिति छ । प्रतिपक्षी बेन्चको अघिल्लो ‘रो’ समेत खाली छ ।
बास्कोटाले भनिन् , ‘विगत ३५ वर्षदेखि यो देशमा लोकतन्त्रमाथि निरन्तर प्रहार हुँदै आएको छ । हामीले बिर्सन सक्दैनौँ । भनिन्छ लोकतन्त्रमाथि प्रहार गर्न धेरै केही गर्नै पर्दैन । राज्यका संस्थाहरुलाई कमजोर बनाए पुग्छ । आज अग्रभागमा देखिएका खाली कुर्सीहरु देख्दा यो सम्मानित संसद भवन र लोकतन्त्रमाथि प्रहार हुन लागेको हो कि जस्तो लागेको छ । र कतै हामी लोकतन्त्रलाई गिज्याउन लोगका त होइनौँ भन्ने अनुभुति भइरहेको छ ।’
उनले संसद र लोकतन्त्रलाई कमजोर बनाउने प्रयास नगर्न सबैको ध्यानाकर्षण समेत गराएकी छिन् ।
प्रकाशित मिति: २५ चैत्र २०८२, बुधबार
