१४ चैत्र २०८२, शनिबार
काठमाडौँ। नेकपा (एमाले) ले पार्टी अध्यक्ष एवं पूर्वप्रधानमन्त्री केपी शर्मा ओली र नेपाली काँग्रेसका नेता रमेश लेखकको गिरफ्तारीलाई प्रतिशोधपूर्ण र गैरकानूनी ठहर गरेको छ ।
पार्टीका उपाध्यक्ष रामबहादुर थापा ‘बादल’ को अध्यक्षतामा च्यासलस्थित केन्द्रिय कार्यालयमा बसेको केसन्द्रय सचिवालयको आकस्मिक बैठकले उक्त गिरफ्तारी लोकतान्त्रिक मूल्य र कानूनी शासनको मर्म विपरीत रहेको निष्कर्ष निकालेको हो । बैठकपछि महासचिव शंकर पोखरेलले पार्टीको आधिकारिक धारणा सार्वजनिक गर्दै तत्काल रिहाइको माग गरेका छन् । अध्यक्ष ओली र नेता लेखकको गिरफ्तारीको निन्दा र भत्र्सना गर्दै तत्काल रिहाइको माग। गर्ने निर्णय भएको बताएका छन् । यो कदम लोकतान्त्रिक मूल्य र कानूनी शासनको मर्म विपरीत रहेको ठहर एमालेको रहेको पनि बताए । गौरीबहादुर कार्कीको अध्यक्षतामा गठित आयोगको प्रतिवेदन पूर्वाग्रही र प्रतिशोधपूर्ण रहेको ठहर गर्दै घटनाको निष्पक्ष छानबिनका लागि सर्वोच्च अदालतका बहालवाला न्यायाधीशको अध्यक्षतामा उच्चस्तरीय छानबिन आयोग गठन गर्न माग गरेका छन् । राजनीतिक दलहरू, नागरिक समाज र आम जनसमुदायलाई कानूनी शासन, लोकतन्त्र र मानवअधिकारको रक्षाका लागि संयुक्त पहलकदमी गर्न अनुरोध गर्ने निर्णय भएको पनि महासचिव पोखरेलको भनाइ छ ।
भोलि देशभर विरोध प्रदर्शन
महासचिव पोखरेलकाअनुसार गिरफ्तारीको विरोधमा चैत्र १५ गते आईतवार देशभरका जिल्ला प्रशासन कार्यालयमार्फत नेपाल सरकारलाई विरोध पत्र बुझाइनेछ । पार्टी संवद्ध जनसंगठनहरूले आजैबाट विरोध प्रदर्शनका कार्यक्रमहरू शुरु गर्ने जानकारी दिएका छन् । उपाध्यक्ष विष्णु पौडेलले अन्य राजनीतिक दलहरूसँग संवाद र समन्वयको नेतृत्व गर्नुहुने निर्णय भएको पनि महासचिव पोखरेलले बताएका छन् । बैठकले उपाध्यक्ष गोकर्ण विष्टले कानूनविदहरूसँग परामर्श गरी कानूनी लडाइँको संयोजन गर्नुहुने निर्णय गरेको महासभिव पोखरेलले बताए । पार्टीले अध्यक्ष ओलीको गिरफ्तारीले संविधान, लोकतन्त्र र मानवअधिकारका पक्षधरहरूलाई चिन्तित तुल्याएको छ र यस प्रतिशोधपूर्ण कारबाहीको दृढताका साथ कानूनी र राजनीतिक प्रतिवाद गर्ने बताएका छन् । समस्त पार्टी पंक्तिलाई विचलित नभई एकताका साथ अगाडि बढ्न आह्वान गरेका छन् ।
प्रकाशित मिति: १४ चैत्र २०८२, शनिबार
