२९ चैत्र २०७९, बुधबार
२९ चैत्र, काठमाडाैँ । राष्ट्रिय स्वतन्त्र पार्टीका सांसद ढाकाकुमार श्रेष्ठको सदस्यता खारेज भएको छ । बुधबार बसेको पार्टीको केन्द्रीय समितिको बैठकले उनलाई साधारण सदस्य समेत नरहनेगरी निलम्बन गरेको हो ।
रास्वपाले उनलाई सांसदबाट समेत बर्खास्त गर्ने निर्णय गरेको सभापति रवि लामिछानेले जानकारी दिएका छन् । उनको ठाउँमा कानुन अनुसार नै अर्को व्यक्तिलाई ल्याउने पनि लामिछानेले बताएका छन् ।
अनुसन्धान समितिले गरेको छानबिनले सांसद श्रेष्ठले पैसा मागेको यथेष्ट प्रमाण देखाएका कारण उनलाई पार्टीबाट निलम्बन गरिएको सभापति लामिछानेले प्रस्ट पारेका छन् ।
आइबार सांसद श्रेष्ठले मेडिकल व्यवसायी दुर्गाप्रसाद प्रसाईंसँग मन्त्रि बन्नका लागि पार्टीलाई २ करोड बुझानुपर्ने भन्दै उक्त पैसा मागेको अडियो सार्वजनिक भएको थियो । रास्वपाले उनलाई सोही दिन तत्कालका लागि निलम्बन गरेर अनुसन्धान सुरू गरेको थियो ।
प्रकाशित मिति: २९ चैत्र २०७९, बुधबार
