५ चैत्र २०८२, बिहीबार
काठमाडौं। नेपाली कांग्रेसका सभापति गगन थापाले प्रतिनिधिसभा निर्वाचनमा पराजयपछि राजीनामा दिएका छन्। उनले उपसभापति विश्वप्रकाश शर्मालाई राजीनामा बुझाएका हुन्।
यसबीच शुक्रबार बस्ने केन्द्रीय कार्यसमिति बैठकमा शर्माले थापाको राजीनामाबारे जानकारी गराउनेछन् भने निर्वाचन पराजयको प्रारम्भिक समीक्षा पनि प्रस्तुत गर्ने कार्यसूची रहेको छ। पार्टीभित्र भने थापाको राजीनामा अस्वीकृत गर्ने तयारी भइरहेको स्रोतले जनाएको छ। नेताहरूले पराजयको कारण व्यक्तिभन्दा पनि छोटो तयारीमा चुनावमा होमिनु भएको निष्कर्षसहित राजीनामा नमान्ने प्रस्ताव ल्याउने तयारी गरेका छन्।
निर्वाचनमा कांग्रेसले प्रत्यक्ष र समानुपातिक गरी जम्मा ३८ सिट मात्रै जित्दै दोस्रो स्थानमा सीमित भएको छ।
प्रकाशित मिति: ५ चैत्र २०८२, बिहीबार
