३० फाल्गुन २०८२, शनिबार
काठमाडौँ । नेकपा एमालेका उपमहासचिव लेखराज भट्टले पार्टीभित्र हालै सम्पन्न प्रतिनिधि सभा सदस्य निर्वाचन वा राजनीतिक घटनाक्रमको समीक्षा तल्लो तहबाटै स्वतःस्फूर्त रूपमा शुरु भइसकेको बताउनुभएको छ ।
केन्द्रबाट कुनै औपचारिक परिपत्र वा निर्देशन जारी नभए पनि पार्टीको वडा र जिल्ला तहका कमिटीहरूले आ–आफ्नो स्तरमा समीक्षा बैठकहरू गरिरहेको र त्यसको रिपोर्ट तयार पार्ने काम भइरहेको उहाँले जानकारी दिनुभएको हो । पार्टीको केन्द्रिय बैठकमा समीक्षाको एजेण्डा तय भएपनि तत्काल त्यस विषयमा प्रवेश गर्न नसकिएको भट्टले स्पष्ट पार्नुभयो । उहाँका अनुसार, पार्टी अध्यक्ष केपी शर्मा ओलीलाई यतिबेला पितृशोक परेको र यो समय गहिरो समीक्षा गर्ने उपयुक्त समय नभएकाले बैठकमा उक्त एजेन्डा थाती राखिएको हो ।
उहाँले भन्नुभयो, ‘आज दुई वटा एजेण्डा थिए, तर समीक्षाको पार्टएमालेभित्र तल्लो तहबाटै स्वतःस्फूर्त समीक्षा शुरुमा हामी कहीँ कतै प्रवेश गरेनौँ । अध्यक्षलाई शोक परेको बेला यो समीक्षा गर्ने समय थिएन । यो हाम्रो पार्टीको जीवनसँग जोडिएको विषयवस्तु हो । हरेक योजनाहरूको अन्त्यपछि समीक्षा हुने गर्छ । कहाँ कति कमीकमजोरी भयो भन्ने कुरा तलबाटै स्वतःस्फूर्त रूपले उठिरहेको छ । यसका लागि केन्द्रले निर्देशन दिइराख्नुपर्ने आवश्यकता नै छैन ।’
अध्यक्ष ओली शोकबाट मुक्त भइसकेपछि बस्ने आगामी बैठकमा मात्रै पार्टीले औपचारिक रूपमा समीक्षाको प्रक्रिया अगाडि बढाउने उहाँको भनाइ छ ।
प्रकाशित मिति: ३० फाल्गुन २०८२, शनिबार
