२९ चैत्र २०७९, बुधबार
२९ चैत्र, काठमाडाैँ । नेकपा एकीकृत समाजवादीका सांसद राजेन्द्र पाण्डेले काठमाडाैँ महानगरपालिकाका मेयर बालेन साहले गैरजिम्मेवार बोली बोलेको आरोप लगाएका छन् ।
बुधबारको प्रतिनिधिसभाको बैठकमा बोल्दै उनले राजधानीको फोहोर व्यवस्थापनको सम्बन्धमा संविधानले दिएको अधिकारभन्दा बाहिर गएर गैरजिम्मेवार बोली बोलेको आरोप लगाए ।
उनले भने, ‘उहाँको अभिव्यक्ति गैरजिम्मेरपूर्ण छ । राष्ट्रपति निवास, प्रधानमन्त्री निवास र सिंहदरबारको फोहोर म उठाउँदिन भन्ने टाइपका कुराहरू गरिरहनु भएको छ । संविधानले फोहोर उठाउने जिम्मा, फोहोरको व्यवस्थापन गर्ने जिम्मा उहाँलाई नै दिएको छ । स्थानीय तहलाई दिएको छ ।’
उनले महानगरका मेयर गैरजिम्मेवार रूपमा प्रस्तुत भए भन्दैमा संघीय सरकार पनि गैरजिम्मेवार बन्न नमिल्ने पनि बताएका छन् ।
प्रकाशित मिति: २९ चैत्र २०७९, बुधबार
