२३ फाल्गुन २०८२, शनिबार
चितवन। प्रतिनिधिसभा निर्वाचन चितवन–३ मा पराजित भएपछि उम्मेदवार रेणु दाहालले जनताको निर्णयलाई सम्मान गर्ने बताएकी छन्।
सामाजिक सञ्जालमार्फत प्रतिक्रिया दिँदै उनले करिब ३० वर्षको राजनीतिक यात्रामध्ये भरतपुरको विकास, समृद्धि र सुशासनका लागि आफूले नौ वर्ष समर्पित गरेको उल्लेख गरिन्। बाँकी कार्यकाल हुँदाहुँदै पनि राम्रो नीति निर्माणका लागि प्रतिनिधिसभा निर्वाचनमा उम्मेदवारी दिएको उनले बताइन्।
दाहालले निर्वाचित भएकी सोबिता गौतमलाई बधाई दिँदै चितवनको विकास र जनताको हितका लागि आफू निरन्तर साथमा रहने प्रतिबद्धता व्यक्त गरेकी छन्। साथै चुनावमा विश्वास गरेर मतदान गर्ने मतदाता तथा सहयोग गर्ने सबैप्रति उनले आभार व्यक्त गरेकी छन्।
प्रकाशित मिति: २३ फाल्गुन २०८२, शनिबार
