२१ फाल्गुन २०८२, बिहीबार
ओखलढुङ्गा । मानेभन्ज्याङ गाउँपालिका वडा नं–७ टोक्सेलस्थित शहीद आधारभूत विद्यालय मतदान केन्द्रमा बिहीबार दिउँसो ४ : ४४ बजेसम्म एक जनाले पनि मतदान नगरेको पाइएको छ।
२०७४ मै कोशी प्रदेश सरकारको सामाजिक विकास मन्त्रालयले प्रादेशिक अस्पताल निर्माण गर्ने प्रतिबद्धता जनाउँदै स्थानीयको १६५ रोपनी जग्गा सरकारको नाममा लिएको थियो। अस्पतालका लागि करिब ९९ करोड रुपैयाँ लागत अनुमानसहित विस्तृत परियोजना प्रतिवेदन तयार भए पनि बजेट नआएपछि असन्तुष्ट स्थानीयले मतदान नगर्ने निर्णय गरेको दाबी गरिएको छ।
७०१ जना मतदाता रहेको उक्त केन्द्रमा कर्मचारी र सुरक्षाकर्मी तयारी अवस्थामा रहेपनि प्रदेशस्तरीय अस्पताल निर्माणका लागि बजेट नदिएको भन्दै असन्तुष्ट स्थानीय मतदाताले मतदान बहिष्कार गरेको प्रमुख जिल्ला अधिकारि मेखबहादुर मग्रान्ती ले बताएका छन्।
प्रकाशित मिति: २१ फाल्गुन २०८२, बिहीबार
