२९ चैत्र २०७९, बुधबार
२९ चैत्र, चितवन । राष्ट्रिय स्वतन्त्र पार्टीका सभापति रवि लामिछानेले इमान बेच्नेहरूका लागि पार्टीको ढोका बन्द हुने बताएका छन् ।
चितवनमा बुधबार आयोजित चुनावी सभालाई सम्बोधन गर्दै सभापति लामिछानेले इमान बेच्नेहरूका लागि पार्टीको ढोका सँधै बन्द हुने बताएका हुन् ।
उनले भनेका छन्, ‘मेरा दलका साथीहरूले इमान बिक्रीमा राखेका छन् भने उसका लागि राष्ट्रिय स्वतन्त्र पार्टीको ढोका खुल्ला हुन्छ भन्ने छैन । त्यो ढोका बन्द हुन्छ, यदी प्रमाणित भएको खण्डमा ।’
उनले इमान किन्नका लागि मानिसहरू ठाउँठाउँमा बसेको बताउँदै बेच्नेले नबेच्दा कसैले किन्न नसक्ने पनि धारणा राखे ।
‘इमान किन्न गौँडागौँडामा मान्छे बसेका छन्। तर, बेच्नेले नबेच्यो भने किन्नेले किन्न सक्दैन । कसैले गलत गरेछ आफन्त हो कि पराई हो अनुहारमा नहेरी सजाय दिन सकिन्छ ।’ उनले भनेका छन् ।
प्रकाशित मिति: २९ चैत्र २०७९, बुधबार
