९ फाल्गुन २०८२, शनिबार
लण्डन । बेलायत सरकारले राजकुमार एन्ड्रयुलाई राजकीय उत्तराधिकारको सूचीबाट हटाउने नयाँ कानुन ल्याउने तयारी गरेको छ। रक्षा मन्त्री लुक पोलार्डले बीबीसीसँग एन्ड्रयु राजा बन्न नपाउने व्यवस्था गर्नु नै उचित हुने बताएका छन्।
यौन अपराधी जेफ्री एप्स्टिनसँगको सम्बन्ध र पद दुरुपयोगको आरोपमा अनुसन्धान झेलिरहेका एन्ड्रयु हाल उत्तराधिकारमा आठौँ स्थानमा छन्। उनलाई यसअघि नै ‘प्रिन्स’सहितका पदवी खोसिएको छ।
सरकारले बकिङ्घम प्यालेससँग समन्वयमा कानुन अघि बढाइरहेको छ। यो कानुन संसदका दुवै सदनबाट पारित भई राजा चार्ल्स तृतीयको स्वीकृति पाएपछि लागू हुनेछ। साथै क्यानडा, अस्ट्रेलिया, न्युजिल्यान्डलगायत कमनवेल्थ देशहरूको सहमति पनि आवश्यक पर्नेछ।
प्रकाशित मिति: ९ फाल्गुन २०८२, शनिबार
