प्रतिनिधिसभा निर्वाचन मितव्ययी बनाउने आयोगको रणनीति

काठमाडौँ । आसन्न प्रतिनिधिसभा निर्वाचनलाई मितव्ययी र पारदर्शी बनाउन निर्वाचन आयोगले यसपटक स्वदेशी सामग्री प्रयोगलाई प्राथमिकता दिएको छ।

आयोगका अनुसार निर्वाचनमा प्रयोग हुने ५१ प्रकारका सामग्रीमध्ये ३७ प्रकार प्रदेश र जिल्लाबाटै खरिद गरिँदैछ। केन्द्रबाट आवश्यक १४ प्रकारका सामग्री मात्र खरिद हुनेछन्, जसको अधिकांश जिम्मेवारी जिटुजी अवधारणाअनुसार साल्ट ट्रेडिङ कम्पनीलाई दिइएको छ।

प्रवक्ता नारायणप्रसाद भट्टराईका अनुसार निर्वाचनका लागि ६ करोड ७५ लाख रुपैयाँ बराबरको मात्र नयाँ सामग्री किनिएको छ भने बाँकी पुराना स्टक सामग्री पुनः प्रयोग गरिँदैछ।

आयोगले जनाएको छ, फागुन २१ गते हुने निर्वाचनका लागि उम्मेदवारी दर्ता, दाबी–विरोध र चुनाव चिह्न वितरणको प्रक्रियासमेत सम्पन्न भइसकेको छ।