१४ माघ २०८२, बुधबार
काठमाडौं । बारामती विमानस्थलमा अवतरण गर्ने क्रममा भारतको महाराष्ट्र राज्यका उपमुख्यमन्त्री अजित पवार सवार निजी चार्टर्ड विमान बुधबार बिहान दुर्घटनामा परेको छ । रनवेबाट चिप्लिएर विमान दुर्घटनाग्रस्त भएको प्रारम्भिक जानकारी आएको छ ।
दुर्घटनामा उपमुख्यमन्त्री अजित पवार गम्भीर घाइते भएको बताइएको छ । उनी जिल्ला परिषद् निर्वाचनसम्बन्धी कार्यक्रममा सहभागी हुन बारामती पुग्दै थिए । विमानमा उनका निजी सहायक, सुरक्षाकर्मी तथा विमानका कर्मचारी पनि सवार थिए । उनीहरू सबै घाइते भएको जनाइएको छ ।
दुर्घटनापछि विमानमा आगलागी भई बाक्लो धुवाँ उडेको र विमानका टुक्रा आसपास छरिएको देखिएको छ । घटनास्थलमा स्थानीय बासिन्दा, उद्धार टोली, एम्बुलेन्स र मेडिकल टोली परिचालित छन् ।
घटनाको वास्तविक कारणबारे अनुसन्धान सुरु गरिएको छ भने थप विवरण आउन बाँकी छ ।
प्रकाशित मिति: १४ माघ २०८२, बुधबार
