१३ माघ २०८२, मंगलवार
चितवन । गैँडाको आक्रमणबाट माडीमा एक युवकको ज्यान गएको छ। माडी नगरपालिका–१ का २२ वर्षीय अशोक भट्टराईलाई सोमबार घाँस–दाउरा संकलनका क्रममा घर नजिकैको मरड खोलामा गैँडाले आक्रमण गरेको थियो।
गम्भीर घाइते भएका भट्टराईको उपचारका क्रममा सोमबार राति चितवन मेडिकल कलेजमा मृत्यु भएको जिल्ला प्रहरी कार्यालयले जनाएको छ। चितवन राष्ट्रिय निकुञ्जका अनुसार चालु आर्थिक वर्षमा वन्यजन्तु आक्रमणबाट दुई जनाको मृत्यु भइसकेको छ, दुवै घटनामा गैँडाकै आक्रमण रहेको पुष्टि गरिएको छ।
प्रकाशित मिति: १३ माघ २०८२, मंगलवार
