२० मंसिर २०८२, शनिबार
काठमाडौँ। विराटनगर किंग्सका कप्तान सन्दीप लामिछानेले आफूहरु प्लेअफमा पुगिसके पनि दोस्रो हुनका लागि जित्नैपर्ने अवस्था रहेकाले सोहीअनुसार खेलेको बताएका छन् ।
उनले फिल्डिङ रोजेसँगै जितसुकै ठूलो लक्ष्य दिएपनि १३.४ ओभरमा जित्ने योजनाअनुसार खेलेको बताए । बलिङमा बीचमा केही ठाउँमा चुकेको भएपनि राम्रो खेलेको बताए । ओपनिङ पार्टनरसिप नै आफूहरुका लागि महत्वपूर्ण भएको बताए ।
विराटनगर किंग्सका खेलाडी फाप डु प्लेसिसले पावर प्लेमा स्पिनर बलिङ र दायाँ र बायाँ हाते ब्याट्सम्यान भएकाले पनि रन बढी बटुल्न सकेको बताए । विश्व क्रिकेटमै सन्दीप स्पेशल बलर रहेको बताउँदै टिमले उनीबाट धेरै अपेक्षा गर्ने बताए । उनले नेपालमा क्रिकेटको विशेष रहेको र आफू त्यसबाट प्रभावित भएको पनि बताए ।
सुदूरपश्चिम रोयल्सका खेलाडी आरिफ शेखले समग्रमा आजको खेल राम्रो भएको बताए । आफूहरुले प्रयास गरेअनुसार नै खेल भएको बताए । आजको खेलमा प्लेइङ ११ मा नयाँ खेलाडीलाई मौका दिएको र यसले आउनेखेलका लागि राम्रो हुने बताए । उनले पावर प्लेमा राम्रो बलिङ हुन नसकेको बताए । आफूहरु दबाबमा नरहेको तर विराटनगर किंग्सले पावर प्लेमा राम्रो ब्याटिङ गरेको बताए ।
नेपाली खेलाडी र नागरिकको लागि विश्वकै चर्चित खेलाडीहरु आएर खेल्नु राम्रो भएको र आफूहरुले पनि सिकिरहेको बताए । आफूहरु विदेशी खेलाडीमामात्रै निर्भर नरहेको र नेपाली खेलाडीहरुले राम्रो खेलिरहेको बताए ।
प्रकाशित मिति: २० मंसिर २०८२, शनिबार
