प्लेअफमा पुग्ने लुम्बिनी चौथो टोली

काठमाडौँ। जित्नैपर्ने खेलमा सफलता निकाल्दै लुम्बिनी लायन्स जारी नेपाल प्रिमियर लिग (एनपिएल) को दोस्रो सिजनमा प्लेअफ पुग्ने चौथो टोली भएको छ ।

कीर्तिपुरमा भएको लिगको सातौं खेलमा लुम्बिनीले शुक्रबार डिफेन्डिङ च्याम्पियन जनकपुर बोल्ट्समाथि चार विकेटले जित निकाल्दै पहिलोपल्ट प्लेअफमा स्थान बनाएको हो । लुम्बिनीको जितमा कप्तान रोहित पौडेलले अलराउन्ड प्रदर्शन गरे । प्लेअफमा पुग्न लुम्बिनीसामू जितको विकल्प थिएन । लुम्बिनीको हारले भने अंकतालिकामा चौथोदेखि आठौं स्थानका टोली (कर्णाली याक्सबाहेक) को प्लेअफ सम्भावना जीवन्त रहन्थ्यो । जनकपुर पनि त्यो दौडमा रहन्थ्यो । यद्यपि, लुम्बिनीको जितसँगै दोस्रो सिजनमा प्लेअफ खेल्ने चारै टोलीको टुङ्गो लाग्यो । बिहीबार नै सुदूरपश्चिम रोयल्स शीर्ष स्थानमा रहँदै एक खेलअगावै पहिलो क्वालिफायर खेल्ने पक्का भइसकेको छ ।

सोही दिन काठमान्डु गोर्खाज र विराटनगर किङ्सले पनि प्लेअफ खेल्ने टुङ्गो लागेको थियो । विराटनगर र सुदूरपश्चिम लिगको अन्तिम खेलमा शनिबार प्रतिस्पर्धा गर्दैछन् । यही खेलले नै पहिलो क्वालिफायर खेल्ने दोस्रो टोलीको टुङ्गो लाग्न सक्छ । विराटनगरको हारमा भने काठमान्डु पहिलो क्वालिफायरमा पुग्नेछ । विराटनगरले भने पहिलो क्वालिफायरमा स्थान बनाउन सुदूरपश्चिमले फराकिलो अन्तरले हराउँदै नेट रनरेटमा पनि सुधार गर्नुपर्नेछ । शुक्रबार लुम्बिनीले जित निकाल्दा लिगचरणका तीन खेलअगावै प्लेअफ समीकरण पूरा भएको हो । त्रिवि क्रिकेट मैदानमा जनकपुरले एक सय ३३ रनको सामान्य लक्ष्य दियो । तर, त्यो लक्ष्य लुम्बिनीले १९.१ ओभरमा मात्र ६ विकेट गुमाएर पूरा ग¥यो ।

कप्तान रोहितले ३४ रन बनाए । यो नै सर्वाधिक ठूलो योगफल रह्यो । ओपनर डार्सी सर्टले ३० रन जोडे । इनिङको पहिलो बलमै ओपनर सुमित महर्जन आउट हुँदा लुम्बिनीलाई ठूलो लाग्यो । तर, दोस्रो विकेटका लागि रोहित र ओपनर डार्सीबीच ६० रनको महत्वपूर्ण साझेदारी बन्यो । आठौं ओभरमा संगित कुरेले डार्सीलाई एलबिडब्लु शिकार गर्दै साझेदारी तोडे । तर, रोहितले तेस्रो विकेटका लागि निरोशान डिकवेलाबीच २३ रनको साझेदारी बन्यो । १२औं ओभरमा रोहितसँगै लगत्तै सन्दीप जोरा आउट भएपछि लुम्बिनी दबाबमा प¥यो । मायन यादवले एलबिडब्लु शिकार बनाएका हुन् ।

१८औं ओभरमा जेजे स्मित पनि २१ रनमा पभेलियन फर्किए । यो विकेटसँगै लुम्बिनी १७.५ ओभरमा १२१÷६ को अवस्थामा पुग्यो । तर, सामान्य लक्ष्य पाएको लुम्बिनी जितनजिक पुगिसकेको थियो । जनकपुरको बलिङमा संगिथले तीन तथा मायनले दुई र सञ्जय कृष्णमुर्थिले एक विकेट लिए । त्यसअघि टस जितेर पहिले ब्याटिङ गर्ने जनकपुरको निर्णय सही भएन । पूरै ओभरमा ६ विकेट गुमाउँदै जनकपुरले एक सय ३२ रनको योगफल बनाएको थियो । जनकपुरको सुरुआत खराब रह्यो । तर, संगिथ कुरेले ४५ रनमा नटआउट रहे । यो नै सर्वाधिक ठूलो व्यक्तिगत रन रह्यो ।

उनले सातौं विकेटका लागि मायन यादवसँग ४९ रनको अविजित साझेदारी गर्दै इनिङ उकासे । मायन २७ रनमा नटआउट रहे । संगिथले ३८ बलमा दुई चौका र एक छक्का प्रहार गरे । २३ बल खेलेका मायनले समान एक चौका र छक्का हिर्काए । पावरप्लेमा ३६ रन मात्र जोड्दा जनकपुरले तीन विकेट नै गुमायो । पहिलो ओभरमै ओपनर माज सदाकत ६ रनमा आउट भए । त्यसपछि कप्तान अनिल साह पनि ७ रनमै पभेलियन फर्किए । पाँचौं ओभरमा अर्का ओपनर आसिफ शेख १७ बलमा २० रन जोडेर आउट भए । उनको इनिङमा दुई चौका र एक छक्का रह्यो । शीर्ष क्रममा राम्रो साझेदारी बन्न नसक्दा जनकपुर दबाबमा प¥यो । संगितबाहेक मध्य क्रमका ब्याटरले पनि राम्रो गर्न सकेनन् ।

शुभ कंसाकार ११ र सञ्जय कृष्णमुर्थि १४ रनमा आउट भए । अनुभवी ब्याटर तथा कप्तान निकोल लफ्टी इटन खाता नै खोल्न सकेनन् । लुम्बिनीका कप्तान रोहितले १४औं ओभरमा सञ्जय र लफ्टीलाई आउट गर्दै जनकपुरमाथि दबाब बनाए । १३.३ ओभरमा जनकपुर ८३÷६ को कमजोर अवस्थामा पुग्यो । तर, सातौं विकेटका लागि संगिथ र मायनबीच महŒवपूर्ण साझेदारी बन्यो । यो जोडीले पइनिङ समाले पनि सुस्त ब्याटिङ गरे र जनकपुर सामान्य योगफलमा नै रोकियो । लुम्बिनीको बलिङमा कप्तान रोहित र शेर मल्ले समान दुई तथा स्मित र रुबेन ट्रम्पलमेनले समान एक विकेट लिए । लुम्बिनीले ६ बलर प्रयोग ग¥यो । शेर र तिलक भण्डारीले किफायती बलिङ गरे । समान चार ओभरमा शेरले २० रन र तिलकले १८ रन मात्र दिए ।