१५ मंसिर २०८२, सोमबार
एजेन्सी। सुडानको संक्रमणकालीन सार्वभौम परिषद्का अध्यक्ष अब्देल फताह अल–बुरहानले देशको मानवीय, विकासात्मक र सामाजिक प्रयासहरूको समर्थनमा संयुक्त राष्ट्र संघसँग सहकार्य गर्न सरकारको तत्परतामा जोड दिएका छन् ।
सुडानी सशस्त्र सेनाका कमाण्डर अल–बुरहानले पोर्ट सुडानमा सुडानका लागि संयुक्त राष्ट्र संघका महासचिवका व्यक्तिगत दूत रामताने लामाम्रासँग भेट गरेको समयमा यी टिप्पणीहरू गरिएको सार्वभौम परिषद्को मिडिया कार्यालयले एक विज्ञप्तिमा भनेको छ । विज्ञप्ति अनुसार अल–बुरहानले सुडानी जनताको आकांक्षा पूरा गर्ने र राष्ट्रिय तथा क्षेत्रीय दुवै स्तरमा सुरक्षा र स्थिरता बढाउने तरिकाले देशभर व्यापक र दिगो शान्ति प्राप्त गर्ने सरकारको तत्परता पुष्टि गरेका छन् ।
अध्यक्षले सुडानमा संयुक्त राष्ट्र संघको समर्थनको महत्वमा जोड दिँदै शान्ति प्रवद्र्धन र मानवीय अवस्था सुधार गर्न संयुक्त राष्ट्र संघसँग निरन्तर सहयोग गर्ने सुडानको प्रतिवद्धतालाई पनि नविकरण गरेका छन् । आफ्नो तर्फबाट लामाम्राले सुडानको राजनीतिक, सुरक्षा र मानवीय अवस्थाको बारेमा जानकारी लिन संयुक्त राष्ट्र संघका महासचिवको निर्देशनमा आफ्नो भ्रमण भएको बताएका छन् ।
अप्रिल २०२३ देखि सुडानी सेना र अर्धसैनिक ¥यापिड सपोर्ट फोर्स बीचको द्वन्द्वले हजारौंको मृत्यु भएको छ । जसको कारण देश भित्र र बाहिर लाखौंलाई विस्थापित गरेको छ ।
प्रकाशित मिति: १५ मंसिर २०८२, सोमबार
