गुल्बदिनको अलराउन्ड प्रदर्शनमा लुम्बिनीको जित

काठमाडौं। गुल्बदिन नैबको अलराउन्ड प्रदर्शनमा लुम्बिनी लायन्सले जित निकाल्दै नेपाल प्रिमियर लिग (एनपिएल) को दोस्रो सिजनमा सुखद सुरुआत गरेको छ ।

कीर्तिपुरमा लुम्बिनीले बुधबार चितवन राइनोजमाथि ६ विकेटको जितसँगै एनपिएलको दोस्रो सिजनमा सुखद सुरुआत गरेको हो । यससँगै चितवनले जारी एनपिएलमा पहिलो हार सामना ग¥यो । पहिलो खेलमा चितवनले कर्णाली याक्समाथि चार विकेटको जित निकालेको थियो । तर, दोस्रो खेलमा भने ब्याटिङ चल्न नसक्दा चितवनले हार सामना ग¥यो । यता, लुम्बिनीले जितबाट दोस्रो सिजनको सुरुआत गरेको हो । लुम्बिनीको जितमा नैबले अलराउन्ड प्रदर्शन गरे । उनले दुई विकेटसँगै ४४ रन पनि जोडे । नैब प्लेयर अफ दी म्याच पनि भए । त्रिवि क्रिकेट स्टेडियममा टस हारेर पहिले ब्याटिङ पाएको चितवनका लागि सहज भएन । चितवनले एक सय ४३ रनको मध्यम लक्ष्य दियो ।

तर, त्यो लक्ष्य लुम्बिनीले मात्र १८.३ ओभरमा चार विकेट गुमाउँदै भेट्टायो । मध्य क्रमका ब्याटर नैब ४४ रनमा अविजित रहे । उनले २४ बलमा समान तीन चौका र छक्का प्रहार गरे । लुम्बिनीले दोस्रो ओभरमै पहिलो विकेट गुमाउन पुग्यो । रिजन ढकालले डार्सी सर्टलाई ११ रनमा बोल्ड गरे । त्यसपछि क्रिजमा आएका कप्तान रोहितले इनिङ समाले । उनले दोस्रो विकेटका लागि सन्दीप जोरासँग २७ रन, तेस्रो विकेटका लागि दिलीप नाथसँग ३० रन र चौथो विकेटका लागि नैबसँग ६० रनको साझेदारी गरे । १८औं ओभरमा रोहित ३९ रनमा आउट भए । उनले ४४ बलमा एक चौका मात्र प्रहार गरे । त्यसअघि ओपनर सन्दीपले २८ रन जोड्दा दीलिप १० रनमा रनआउट भए ।

पावर प्लेमा दुई विकेट गुमाए पनि लुम्बिनीले ५१ रन जोड्दै राम्रो सुरुआत पाएको थियो । चितवनको बलिङमा रिजन ढकालले दुई तथा सोहल तनभिरले एक विकेट लिए । ६ बलर प्रयोग गरे पनि चितवनले हार टार्न सकेन । कमल सिंह ऐरीले तीन ओभरमा ४४ रन खर्चदै महँगा साबित भए । रबि बोपाराको अर्धशतकमा चितवनले पूरै ओभरमा सात विकेट गुमाउँदै एक सय ४२ रनको योगफल बनाएको थियो । खराब सुरुआत गरेको चितवनका लागि रबिले ६६ रन जोडे । लगातार दोस्रो खेलमा उनले अर्धशतक प्रहार गरेका हुन् । पहिलो खेलमा कर्णाली याक्सविरुद्ध पनि रविले ५२ रनको इनिङ खेलेका थिए ।

दोस्रो खेलमा पनि उनले लय जारी राखे । तर, शीर्ष तीन ब्याटर सस्तैमा आउट हुँदा चितवनको सुरुआत राम्रो भएन । ओपनरद्वय दीपक बोहरा १० रन र डविड मालन शून्यमा पभेलियन फर्किए । नामिबियन तीव्र गतिका बलर रुबेन ट्रम्पलमेनले इनिङको दोस्रो बलमै मालनलाई गोल्डेन डकआउट गरेका हुन् । चौथो ओभरमा दीपक पनि पभेलियन फर्किए । सुरुमै दुई विकेट पतनपछि चितवन दबाबमा प¥यो । पावर प्लेमा चितवनले ३२ रन मात्र जोड्यो । आठौं ओभरमा देव खनाल पनि १४ रनमा आउट भए । यससँगै ७.३ ओभरमा चितवन ४३÷३ को अवस्थामा पुग्यो । त्यसपछि रबिले कप्तान कुशल मल्लसँग चौथो विकेटका लागि ४४ रनको साझेदारी गर्दै इनिङ अगाडि बढाए ।

१६औं ओभरमा कुशल २१ रनमा आउट भए । १८ बलमा उनले एक छक्का मात्र प्रहार गरे । रबिले पाँचौं विकेटका लागि पनि सैब जैबसँग ४१ रनको साझेदारी गरे । सैब ७ बलमा १५ रन जोड्दै आउट भए । उनको इनिङमा दुई चौका र एक छक्का रह्यो । डार्सी सर्टको १७औं ओभर चितवनका लागि महŒवपूर्ण रह्यो । यो ओभरमा चितवनले तीन छक्कासहित २१ रन जोड्यो । अन्तिम ओभरको दोस्रो बलमा बोपारा ६६ रनमा आउट भए । यससँगै चितवनको एक सय ५० रनको आँकडा पार गर्ने लक्ष्य पूरा भएन । ५५ बल खेलेका बोपाराले चार चौका र तीन छक्का प्रहार गरे । लुम्बिनीको बलिङमा ट्रम्पलमेनले तीन तथा अभिशेष गौतम र गुल्बदिन नैबले समान दुई विकेट लिए । शेर मल्ल, अभिशेष र ट्रम्पलमेनले किफायती बलिङ पनि गरे ।