२८ चैत्र २०७९, मंगलवार
२८ चैत्र, काठमाडाैँ । राष्ट्रिय स्वतन्त्र पार्टीका सांसद ढाकाकुमार श्रेष्ठको अडिओ प्रकरणबारे छलफल गर्न पार्टीले अनुशासन आयोगको बैठक बोलाएको छ ।
पार्टी कार्यालय बसुन्धारामा ११ बजे बस्ने गरी बैठक बोलाइएको हो ।
सांसद श्रेष्ठले व्यवसायी दुर्गा प्रसाईँसँग दुई करोड रुपैयाँ मागेको अडियो प्रकरणको बारेमा छलफल हुने जनाइएको छ ।
आइतबार सांसद श्रेष्ठले प्रसाईँसँग २ करोड मागेको अडिओ बाहिरिएको थियो । उक्त अडिओसँगै श्रेष्ठ पार्टीबाट निलम्बित भएका थिए । पार्टीले मागेको २४ घण्टे स्पष्टीकरण पनि उनले सोमबार साँझ बुझाएका छन् ।
प्रकाशित मिति: २८ चैत्र २०७९, मंगलवार
