२७ आश्विन २०८२, सोमबार
काठमाडौं । त्रिभुवन अन्तर्राष्ट्रिय विमानस्थलको भन्सार क्षेत्रबाट करिब ११ किलो २ सय ७५ ग्राम अवैध लागूऔषध (गाँजा जस्तो देखिने वस्तु) सहित तीन भारतीय नागरिक आइतबार दिउँसो पक्राउ परेका छन्।
पक्राउ पर्नेमा ५० वर्षीय सलीम इब्राहिम अन्सारी, २४ वर्षीय रिहान मोहद अजाज शेख र ३२ वर्षीया जैनब बासिर रहेका छन्। एयर एसियाको उडानमार्फत बैंककबाट काठमाडौं आएका उनीहरूको लगेज जाँच गर्ने क्रममा त्रिभुवन विमानस्थल सुरक्षा कार्यालय र भन्सार कार्यालयबाट खटिएको संयुक्त टोलीले सो लागूऔषध फेला पारेको हो।
पक्राउ परेका तीनै जनालाई थप अनुसन्धान र कानूनी कारबाहीका लागि लागूऔषध नियन्त्रण ब्यूरो (NCB) पठाइएको प्रहरीले जनाएको छ।
प्रकाशित मिति: २७ आश्विन २०८२, सोमबार
