२६ आश्विन २०८२, आईतवार
काठमाडौँ। ओमानमा जारी टी–२० विश्वकप एसिया/इस्ट एसिया पेसिफिक छनोट अन्तर्गत नेपाल आज सुपर सिक्सको पहिलो खेलमा यूएईसँग भिड्दैछ। खेल अल अमेरतस्थित ओमान क्रिकेट एकेडेमी टर्फ–१ मा अपराह्न ४:१५ बजे सुरु हुनेछ।
दुवै टोली अपराजित छन् — नेपालले कुवेत र जापानलाई, भने यूएईले कतार र मलेसियालाई पराजित गरेको छ। टी–२०आईमा दुवै टोलीबीच अहिलेसम्म १० पटक भेट भइसकेको छ — ५–५ खेल जित्दै बराबरी अवस्थामा छन्। पछिल्लो भिडन्तमा एसीसी प्रिमियर कपमा नेपाल यूएईसँग पराजित भएको थियो।
नेपालको आगामी खेलहरू सोमबार कतार, बुधबार सामोआ र शुक्रबार ओमानसँग हुनेछन्।
प्रकाशित मिति: २६ आश्विन २०८२, आईतवार
