२३ आश्विन २०८२, बिहीबार
काठमाडौँ । जेनजी आन्दोलनका क्रममा भएका आगजनीका कारण देशभरका २१ मालपोत कार्यालयका अभिलेख जलेपछि जग्गाधनीहरूलाई श्रेस्ता कायम गर्न झन्झट व्यहोर्नुपर्ने भएको छ।
कलंकी, कास्की, भरतपुर, बाँके, घोराही, मोरङ, बुटवल, धनगढी, खैरहनीलगायत कार्यालयहरूले श्रेस्ता कायमका लागि ११ थरी कागजातसहित जग्गाधनी स्वयं उपस्थित हुन सूचना जारी गरेका छन्। उपस्थित जग्गा तथा घर धनीले नागरिकताको प्रतिलिपी, भोगाधिकार सिफारिस, तीन पुस्ते विवरण, स्थायी ठेगानाको प्रमाण, र सक्कल पुर्जासहितका कागजात पेश गर्नुपर्नेछ।
डिजिटल अभिलेख नभएका कार्यालयमा यो प्रक्रिया झनै जटिल हुने विभागको भनाइ छ।
प्रकाशित मिति: २३ आश्विन २०८२, बिहीबार
