२१ आश्विन २०८२, मंगलवार
एजेन्सी। संयुक्त राष्ट्र संघको प्रतिवन्ध पुनः लागू गर्न स्न्यापब्याक संयन्त्र शुरु गर्ने कदम चालेपछि इरानले फ्रान्स, बेलायत र जर्मनीसँग वार्ता नगर्ने अडान लिएको छ ।
विदेश मन्त्रालयका प्रवक्ता इस्माइल बगाईले तेहरानमा आयोजित साप्ताहिक प्रेस ब्रिफिङमा तीन युरोपेली शक्तिहरू र संयुक्त राज्य अमेरिकाले हालै गरेको इरान विरोधी कारबाहीको प्रभाव र परिणामहरू विचार गरिरहेको बताएका छन् । इरानले सरकार फलदायी हुनसक्ने महशुस गरेपछि मात्रै कुटनीतिको निर्णय लिने बताए ।
कुनैपनि वार्ताले देशको राष्ट्रिय हितको सेवा गर्नुपर्छ भन्ने कुरामा जोड दिंदै उनले इरानले कहिल्यै वार्ताको लागि भिख नमाग्ने स्पष्ट पारेका छन् । बगाईले वार्ता दुई–तर्फी प्रक्रिया भएकाले राष्ट्रिय हित, सुरक्षा र मर्यादाको रक्षा गर्नुपर्ने बताए ।
सेप्टेम्बरमा संयुक्त राष्ट्र सुरक्षा परिषद्ले प्रतिवन्ध राहत विस्तार गर्न असफल भएपछि युरोपेली त्रिकोणले वाशिंगटनसँगको समन्वयमा अगस्टमा स्न्यापब्याक संयन्त्रको आह्वान गरेको थियो । इरानले गत वर्ष सेप्टेम्बरदेखि तीन देशहरूसँग धेरै चरणका वार्ताहरू गरिसकेको छ । जुन मुख्यतया यसको आणविक कार्यक्रम र प्रतिवन्ध राहतमा केन्द्रित थियो ।
प्रकाशित मिति: २१ आश्विन २०८२, मंगलवार
