१९ आश्विन २०८२, आईतवार
काठमाडौँ । विगत केही दिनदेखिको अविरल वर्षाका कारण काठमाडौँ हुँदै पृथ्वी राजमार्गतर्फ जाने सवारी साधनहरूको आवागमन प्रभावित भएपछि जिल्ला प्रशासन कार्यालय, काठमाडौँले यातायात सुचारुका लागि विशेष सूचना जारी गरेको छ।
कार्यालयले आइतबार प्रकाशित सूचनामा काठमाडौँबाट दक्षिणतर्फ अर्थात् हेटौँडातर्फ जाने सवारी साधनहरूका लागि मार्ग परिवर्तन तथा अस्थायी सुचारु कार्य भइरहेको जानकारी दिएको छ। लगातारको वर्षाले दक्षिणतर्फको सडकका विभिन्न भागमा क्षति पुर्याएको र ‘महादेवपुर सडक सुधार’ कार्य तीव्र गतिमा भइरहेको प्रशासनले जनाएको छ।
यसैबीच, महादेवपुर र नुवाकोटतर्फ जाने सवारीहरूलाई एकीकृत रूपमा सञ्चालन गर्नका लागि आवश्यक तयारी भइरहेको पनि सूचनामा उल्लेख छ। जिल्ला प्रशासन कार्यालयका अनुसार, सम्बन्धित यातायात सञ्चालकहरू, यातायात समिति, ट्राफिक प्रहरी र सुरक्षाकर्मीबीच समन्वय गरी सवारी सञ्चालन सहज बनाउन पहल भइरहेको छ।
प्रशासनले यात्रुहरूलाई आवागमनका क्रममा ट्राफिक निर्देशन, इशारा, संकेत र सूचनालाई ध्यानपूर्वक पालना गर्न आग्रह गरेको छ।
प्रकाशित मिति: १९ आश्विन २०८२, आईतवार
