१८ आश्विन २०८२, शनिबार
काठमाडौँ । गएरातिदेखि परेको अविरल वर्षापछि काठमाडौँ महानगरले जोखिमयुक्त बस्तीका बासिन्दालाई सावधानी अपनाउन आग्रह गरेको छ ।
सोल्टी मोड पश्चिमतर्फ काठमाडौँ महानगरपालिका–१४ कोहिनुर हाउजिङ नजिकै करखुसी खोलाको छेउमा पहिरो गएर सडक भासिँदा घर नजिकै करिब पाँच फिट मात्र दूरी छाडेको महानगरले जनाएको छ। थप क्षति रोक्न महानगर प्रहरी बल र विपद् व्यवस्थापन विभागले बोरा र ग्राभेल प्रयोग गरी कटान रोक्ने काम गरिरहेका छन्।
जोखिम बढेमा नजिकैका विद्यालयहरूमा बासिन्दा सार्ने तयारी गरिएको र कुनै समस्या परेमा तुरुन्त सम्पर्क गर्न आग्रह गरिएको महानगरले जनाएको छ।
प्रकाशित मिति: १८ आश्विन २०८२, शनिबार
