२७ चैत्र २०७९, सोमबार
२७ चैत्र, काठमाडाैँ । नेपाली कांग्रेसका उपसभापति तथा सांसद धनराज गुरूङले राष्ट्रिय स्वतन्त्र पार्टीको ‘कोर टीम’को खोजी गरेका छन् ।
सोमबार प्रतिनिधिसभाको बैठकमा बोल्दै गुरूङले रास्वपाका सांसद ढाकाकुमार श्रेष्ठको अडियोमा उल्लेख गरिएको कोर टीमबारे अनुसन्धान हुनुपर्ने माग गरेका हुन् ।
आइतबार मेडिकल व्यवसायी दुर्गा प्रसाईंसँग रास्वपाका सांसद श्रेष्ठले मन्त्री बन्न पार्टीको कोर टिमलाई बुझाउन साढे दुई करोड मागेको अडियो सार्वजनिक भएको थियो ।
उक्त अडियो सार्वजनिक भएसँगै रास्वपाले श्रेष्ठलाई निलम्बन गरेर अनुसन्धान गर्ने प्रतिबद्धता व्यक्त गरेको थियो । उनीसँग रास्वपाले २४ घण्टे स्पष्टीकरण समेत मागेको थियो ।
प्रकाशित मिति: २७ चैत्र २०७९, सोमबार
