२७ चैत्र २०७९, सोमबार
२७ चैत्र, काठमाडाैँ । राष्ट्रिय स्वतन्त्र पार्टीका सांसद ढाकाकुमार श्रेष्ठको अडियो प्रकरणमा पार्टीका सभापति रवि लामिछानेले आफ्नै वरपरका व्यक्तिहरूलाई समेत छानबिन गर्न निर्देशन दिएका छन् ।
लामिछानेले आफूलाई चुनाव हराउने अभियानका क्रममा अडियो सार्वजनिक भएको बताउँदै यसबारे सुक्ष्म रूपमा छानबिन गरिने बताए । पार्टीभित्रका जो संलग्न भएता पनि कारबाही हुने उनले प्रष्ट पारे ।
‘दोषी ठहर भए अर्को व्यक्तिलाई सांसद ल्याउछौँ । मेरै वरपर भएका व्यक्तिलाई पनि छानबिन गर्नुस् । मैले ९ महिनामात्रै भयो चिनेको । मेरो नाम लिएर कसैले भजाएछ भने त्यो कारबाहीको भागीदार हुनेछ ।’
लामिछानेले आफु सत्यको बाटोमा हिँडेको र यसबाट कति पनि बिचलित नहुने उनले बताए ।
प्रकाशित मिति: २७ चैत्र २०७९, सोमबार
