सुनसरीमा पनि कर्फ्यू आदेश जारी

सुनसरी । सुनसरीमा शुक्रबार दिउँसो २:३० बजेदेखि अर्को सूचना जारी नभएसम्मका लागि जिल्ला प्रशासन कार्यालयले कर्फ्यू आदेश जारी गरेको छ।

प्रमुख जिल्ला अधिकारी धर्मेन्द्र कुमार मिश्रले स्थानीय प्रशासन ऐन, २०२८ को दफा ६(३) बमोजिम कर्फ्यू आदेश जारी गर्दै तोकिएको क्षेत्रमा आवतजावत पूर्ण प्रतिबन्ध लगाइएको जनाएका छन्।

कर्फ्यू क्षेत्रमा उत्तरतर्फ हनुमान टोलस्थित नेपाली सेनाको ब्यारेकदेखि पन्राहा चौक, पूर्वतर्फ मिलन चौकदेखि जुत्ता विक्रान्तिर, दक्षिणतर्फ दुर्गापुर चोकस्थित अनुसन्धान कार्यालयदेखि यातायात कार्यालय, पप्पु पुल हुँदै पेट्रोल पम्पसम्म र पश्चिमतर्फ कालिकामोडदेखि जनता वस्ती क्षेत्रसम्म समेटिएको छ।

प्रशासनले सर्वसाधारणलाई कर्फ्यूको पालना गर्न अनुरोध गरेको छ।