२१ भाद्र २०८२, शनिबार
काठमाडौँ। साधारण राहदानी धारक रूसी नागरिकहरूका लागि चीनको भिसा–मुक्त नीति राम्रो रहेको भन्दै रूसी राष्ट्रपति भ्लादिमिर पुटिनले प्रशंसा गरेका छन् ।
उनले रुसले पनि चिनियाँ नागरिकलाई आफ्नो देशमा प्रवेश गर्न भिसा लिनुनपर्ने नीति अवलम्वन गर्ने बताए । यसले पारस्परिक यात्रामा उल्लेखनीय वृद्धि र थप अनुकूल व्यावसायिक अवस्था सिर्जना गर्न योगदान पुर्याउने उनको दाबी छ । दुई देशहरूको सम्बन्ध सुमधुर हुने विश्वास व्यक्त गरेका छन् ।
उनी चिनियाँ विदेश मन्त्रालयका प्रवक्ताले चीनले सेप्टेम्बर १५, २०२५ देखि सेप्टेम्बर १४, २०२६ सम्मको अवधिको लागि साधारण राहदानी धारक रूसी नागरिकहरूका लागि अस्थायी रूपमा भिसा–मुक्त नीति लागू गर्ने बताउनुभएको थियो । जसले व्यापार यात्रा, पर्यटन, साथै अन्य निजी भ्रमणहरू, आदानप्रदान भ्रमणहरू वा ट्रान्जिट जस्ता उद्देश्यका लागि ३० दिनसम्म बस्न अनुमति दिनेछ ।
प्रकाशित मिति: २१ भाद्र २०८२, शनिबार
