१६ भाद्र २०८२, सोमबार
काठमाडौँ। अखिल नेपाल ट्रेड युनियन महासंघले स्वास्थ्य बीमा कार्यक्रमलाई सामाजिक सुरक्षा कोष अन्तर्गत ल्याउन सरकारसँग माग गरेको छ ।
सोमवार काठमाडौंमा आयोजित सांसदसँगको अन्तरक्रिया कार्यक्रममा बोल्दै महासंघका अध्यक्ष जगत सिम्खडाले सो माग गरेका छन् । उनले सो कार्यक्रमलाई सामाजिक सुरक्षा ऐन अन्तर्गत नल्याए सरकारले धान्न नसक्ने जिकिर समेत गरे । अध्यक्ष सिम्खडाले बहुराष्ट्रिय कम्पनीहरुको दबाबमा श्रम ऐन पनि कार्यान्वयनमा आउन नसकेको भन्दै सरकारप्रति आक्रोश व्यक्त गरेका छन् । मजदुरमैत्री श्रम ऐन कार्यान्वयनमा आउन नदिन बहुराष्ट्रिय कम्पनीहरुजस्ता विचौलियाहरुले सरकारलाई नदिएको उनको भनाई थियो । अध्यक्ष सिम्खडाले सरकारले मजदुर विरोधी ऐन भने कार्यान्वयनमा ल्याएको भन्दै आपत्ति जनाएका छन् ।
उनले भने, ‘यो सामाजिक सुरक्षा ऐन कार्यान्वयन नगर्ने दिशामा सरकार गइरहेको छ । र यो के हो भन्नेकुरा राज्यले, राज्यको मातहतमा रहेकाले, हाम्रा माननीयज्यूहरुले पनि सामाजिक सुरक्षा भनेको के हो ? भन्ने बुझेको देख्दिन । आज १० वर्षपछि कोही कसैले यो देशलाई नियालेको छ भने सामाजिक सुरक्षा भत्ताको कारणले आज यो देश चल्न सक्छ ? सक्दैन । एउटा मात्रै यो देशलाई बचाउने भनेको योगदानमा आधारित सामाजिक सुरक्षा कोषले मात्रै हो । म सकुन्जेल काम गर्छ, योगदान गर्छु । मैले काम गरेको रोजगारदाताले २० प्रतिशत कोष छुट्टयाई दिनुप¥यो । मैले काम गरेर ११ प्रतिशत मैले पनि हाल्छु । त्यो ३१ प्रतिशत हुन्छ । त्यसले म विरामी हुँदा उपचार हुन्छ । दुर्घटना हुँदा त्यसबाट क्षतिपूर्ति पाउँछु । वृद्ध अवस्था हुँदा पेन्सनको व्यवस्था हुन्छ । त्यो सामाजिक सुरक्षामा हुन्छ । तर आज म सुन्दैछु–स्वास्थ्य विमाको कुरा सबै पार्टी एकठाउँमा भएर सामाजिक सुरक्षाका कुरा होइन की विमा कम्पनीमार्फत स्वास्थ्य सुरक्षाको कुरा जाँदैछ । यो कुरा आज नभएपनि भोलि समिक्षा गर्न जरुरी छ । आज सदनबाट पास भएर त्यो व्यवस्था भएपनि ५÷७ वर्षपछि त्यो लेखेर राख्नुस्, स्वास्थ्य सुरक्षाको कुरा भोलीको दिन सामाजिक सुरक्षा अन्तगतनै आउनु पर्छ । अर्को श्रम ऐन आएको छ । तर मजुदरमैत्री कार्यान्वयन भएको छैन । विरोधी दफाहरु भटाभट कार्यान्वयन भइरहेको छ ।
अध्यक्ष सिम्खडाले सामाजिक सुरक्षा कोषको महत्वबारे सांसदहरु समेत बेखबर रहेको गुनासो पनि गरेका छन् ।
प्रकाशित मिति: १६ भाद्र २०८२, सोमबार
