७ भाद्र २०८२, शनिबार
काठमाडौँ। थाईल्याण्डको फौजदारी अदालतले शुक्रवार पूर्वप्रधानमन्त्री थाक्सिन शिनावात्रालाई एक दशकअघि विदेशी मिडियामा गरेको टिप्पणीको लागि शाही मानहानि आरोपबाट मुक्त गरेको छ ।
अदालतले एक विज्ञप्तिमा थाक्सिनलाई उनको गल्ती प्रमाणित गर्न अपर्याप्त प्रमाणका कारण दोषी नठराइएको बताएका छन् । अभियोजन पक्षले प्रश्तुत गरेको प्रमाणले अभियोगको लागि आवश्यक प्रमाणको बोझ पूरा गर्न असफल भएको बताइएको छ । फौजदारी संहिताको धारा ११२ ले राजा, रानी, उत्तराधिकारी वा रीजेन्टको बद्नाम गर्ने, अपमान गर्ने वा धम्की दिने जो कोहीलाई तीन देखि १५ वर्षसम्मको जेल सजाय हुने व्यवस्था गरेको छ ।
एउटा छुट्टै मुद्दामा सर्वोच्च अदालतले २०२४ मा प्यारोलमा रिहा हुनुभन्दा अघि थाक्सिनको विस्तारित अस्पताल बसाइले पहिलेको दोषी ठहरिएको जेल सजायको अपूर्ण सेवा हो कि होइन भन्ने बारेमा सेप्टेम्बरमा फैसला गर्ने तालिका छ । ७६ वर्षीय वृद्ध दुई वर्षअघि स्व–निर्वासनबाट थाइल्याण्ड फर्किएका थिए थिए ।
उनले २००१ देखि २००६ सम्म दक्षिणपूर्वी एशियाली देशको प्रधानमन्त्रीको रूपमा सेवा गरेका थिए ।उनि २००८ देखि विदेशमा स्व–निर्वासनमा थिए ।
प्रकाशित मिति: ७ भाद्र २०८२, शनिबार
