५ भाद्र २०८२, बिहीबार
काठमाडौं । भारत र चीनले नेपाललाई जानकारी नदिई पुनः लिपुलेक नाका प्रयोग गरेर सीमा व्यापार खोल्ने सहमति गरेपछि नेपाल सरकारले तीव्र असन्तुष्टि जनाएको छ।
परराष्ट्र मन्त्रालयले बुधबार जारी गरेको ३ बुँदे विज्ञप्तिमा लिम्पियाधुरा, लिपुलेक र कालापानी नेपालको अभिन्न भूभाग भएको संविधानमै स्पष्ट उल्लेख भइसकेको भन्दै सो क्षेत्रमा कुनै पनि गतिविधि नगर्न भारतलाई आग्रह गरेको छ।
मन्त्रालयले लिपुलेक नेपालको भूमि भएको विषय चीनलाई समेत जानकारी गराइसकिएको स्मरण गराउँदै सीमा विवाद समाधान कूटनीतिक बाटोमार्फत गर्ने प्रतिबद्धता दोहोर्याएको छ।
भारतका सुरक्षा सल्लाहकार अजित डोभल र चिनियाँ विदेशमन्त्री वाङ यीबीचको वार्तापछि तीन नाकाबाट (लिपुलेक, सिप्की ला, नाथुला) सीमा व्यापार पुनः सुरु गर्ने सहमति भएको हो।
यसअघि पनि भारत–चीनले नेपाललाई बाइपास गर्दै यस्तै सहमति गरेका थिए, जसको नेपालले विरोध गर्दै आएको छ।
प्रकाशित मिति: ५ भाद्र २०८२, बिहीबार
