३ भाद्र २०८२, मंगलवार
काठमाडौँ। बीमा प्राधिकरणका अध्यक्ष शरद ओझा पदमुक्त भएका छन्।
मन्त्रिपरिषद्को सोमबार साँझ बसेको बैठकले उच्च अदालतका पूर्वन्यायाधीश कृष्ण गिरी संयोजकत्वको छानबिन समितिको प्रतिवेदनका आधारमा उनलाई पदमुक्त गर्ने निर्णय गरेको हो। प्रतिवेदनमा ओझाको योग्यता अपर्याप्त रहेको, कानुनअनुसारको योग्यताका लागि थप अनुभव आवश्यक भएको र कार्यक्षमतामै प्रश्न उठाइएको देखाइएको छ।
शरद ओझा गत १२ फागुनमा बीमा कम्पनीहरूको नियामक निकाय नेपाल बीमा प्राधिकरणको अध्यक्षमा नियुक्त भएका थिए। तर उनको नियुक्तिबिरुद्ध अधिवक्ता इन्दिरा धमलाले १७ चैतमा रिट दायर गरेकी थिइन्, जसपछि समितिले अध्ययन गरी प्रतिवेदन बुझाएको हो।
यससँगै बीमा प्राधिकरणको नेतृत्व फेरि रिक्त भएको छ र अब सरकारले नयाँ अध्यक्षको छनोट प्रक्रिया अघि बढाउने अपेक्षा गरिएको छ।
प्रकाशित मिति: ३ भाद्र २०८२, मंगलवार
