२ भाद्र २०८२, सोमबार
धनगढी । कैलालीको गोदावरी नगरपालिका–५ मा एक बालक खुटिया खोलामा डुबेर मृत्यु भएको छ।
आइतबार दिउँसो घरबाट निस्केका बालक साँझसम्म नफर्केपछि परिवारले खोजी थालेको थियो। खोजतलासका क्रममा उनी दुई साथीसँग खोलामा नुहाउन गएको खुलेको इलाका प्रहरी कार्यालय मालाखेतीले जनाएको छ।
खोलामा नुहाउन संगै गएको साथीहरूको बयानका आधारमा खोजतलास गर्दा आइतबार राति बालकले लगाएको चप्पल खोला किनारमा फेला परेको थियो। पुनः सोमबार बिहान खोजी गर्दा बालकको शव खोलामै भेटिएको प्रहरीले जानकारी दिएको छ।
घटनाबारे थप अनुसन्धान भइरहेको प्रहरीले जनाएको छ।
प्रकाशित मिति: २ भाद्र २०८२, सोमबार
