बूढानीलकण्ठमा मोटरसाइकल र स्कुटर ठोक्किँदा दुईको मृत्यु, तीन घाइते

काठमाडौं । बूढानीलकण्ठ नगरपालिका–७, स्पेसलचोकमा आइतबार बिहान मोटरसाइकल र स्कुटर ठोक्किँदा दुई जनाको मृत्यु भएको छ भने तीन जना घाइते भएका छन्।
प्रहरीका अनुसार बिहान करिब १:४७ बजे जिक्सर मोटरसाइकल (प्रदेश ३-०२-००२ प ५७२) र स्कुटर (बागमती प्रदेश ०२-०४१ प ६८१९) एक–आपसमा ठोक्किँदा दुर्घटना भएको हो।

घाइतेमध्ये गोरखा घर भएका २४ वर्षीय एरिक परियारसहित दुई जनाको त्रिवि शिक्षण अस्पतालमा उपचार भइरहेको छ। तर सिराहा जन्दहका २९ वर्षीय भोला थापा र करिब ३५ वर्षीय एक पुरुषलाई उपचारकै क्रममा मृत घोषणा गरिएको प्रहरीले जनाएको छ।

दुबै सवारी साधनलाई नियन्त्रणमा लिइएको छ ।