२६ चैत्र २०७९, आईतवार
२६ चैत्र, काठमाडाैँ। राष्ट्रिय स्वतन्त्र पार्टीका सांसद ढाकाकुमार श्रेष्ठले दुर्गा प्रसाईंसँग मन्त्री बन्न पैसा मागेको अडियो सार्वजनिक भएको छ । उनले रास्वपाले स्वास्थ्य मन्त्री बन्न २ करोड रूपैयाँ मागेको अडियो सार्वजनिक भएको हो ।
कपुरबोट डटकमले सार्वजनिक गरेको अडियोमा सांसद ढकालले आफ्नो दलले स्वास्थ्य मन्त्रालय पाउने भएको र मन्त्री बन्नका लागि नेताहरुले आफूसँग साढे २ करोड मागेको दाबी गरेका छन् ।
‘स्वास्थ्य हामीले पाउने भयो, पार्टीलाई सहयोग गर, साढे २ जति चाहियो भन्दै थिए । मेरो पक्का भयो, मैले आज फिक्स गर्नु छ क्या सर !’ सार्वजनिक अडियोमा भनिएको छ ।
उनले रास्वपामा एक कोर टीम भएको र मन्त्री बन्न उक्त टोलीले पैसा मागेको बताएका छन् । तर, उक्त टीममा रास्वपाका सभापति रवि लामिछाने भने नरहेको पनि उल्लेख गरेका छन् ।
त्यस्तै, उक्त अडियो सार्वजनिक भएसँगै रास्वपाले ढकाललाई निलम्बन गरिसकेको छ । उनीमाथि अनुशासन समितिले थप अनुसन्धान गर्ने पार्टीले जानकारी दिएको छ ।
प्रकाशित मिति: २६ चैत्र २०७९, आईतवार
