मधेसका मुख्यमन्त्री सिंहसँग भारतीय प्रतिनिधिमण्डलको भेट

काठमाडौँ । मधेस प्रदेशका मुख्यमन्त्री सतिशकुमार सिंहसँग भारतको जल शक्ति मन्त्रालयको तीन सदस्यीय प्रतिनिधिमण्डलले आज बिहान भेट गरेर मधेसमा विद्यमान खानेपानी समस्या समाधानका लागि सुझाव दिएको छ।

मुख्यमन्त्रीको कार्यालयका अनुसार, भारतीय प्राविधिक टोलीले विशेषगरी भूमिगत जलको उपयोग र दीर्घकालीन व्यवस्थापनका विषयमा सुझावहरु  प्रस्तुत गरेको हो। टोलीले निकट भविष्यमा मधेस प्रदेशका विभिन्न भागमा भूमिगत जलको उपलब्धता र गुणस्तर सम्बन्धी विस्तृत अध्ययन गर्ने योजना पनि जनाएको छ।

यस बैठकमा दुवै पक्षले खानेपानी आपूर्ति सुधार, आधुनिक प्रविधिको उपयोग र दीर्घकालीन जल स्रोत संरक्षणबारे छलफल गरेका थिए।