चक्रे मिलनसहित १९ जनाविरुद्ध मुद्दा दर्ता

काठमाडौँ । मिलन गुरुङ उर्फ ‘चक्रे मिलन’सहित १९ जनाविरुद्ध अभद्र व्यवहारको आरोपमा काठमाडौँ जिल्ला अदालतमा मुद्दा दर्ता गरिएको छ।

जिल्ला प्रहरी परिसर काठमाडौँको अनुसन्धान प्रतिवेदनका आधारमा सरकारी वकिलको कार्यालयले सोमबार जिल्ला अदालतमा मुद्दा दर्ता गरेको हो। मुद्दा न्यायाधीश खिमानन्द भुसालको इजलासमा परेको छ र हाल उनीहरूको बयान लिइँदै छ। उनीहरु पटके कसुरदार (यसअघि पनि यस्तै प्रकृतिका अपराधमा संलग्न) भएकाले कानूनी कारबाही अघि बढाइएको हो।

१५ साउनमा उपत्यका अपराध अनुसन्धान कार्यालय र जिल्ला प्रहरी परिसर काठमाडौँको संयुक्त अपरेशनमार्फत चक्रे मिलनसहित ४७ जनालाई पक्राउ गरिएको थियो। अनुसन्धानपछि २८ जनालाई रिहा गरिएको थियो भने बाँकी १९ जनाविरुद्ध औपचारिक मुद्दा दर्ता गरिएको हो।