रुपान्तरण भाषण गरेर आउँदैनः उपसभामुख राना

काठमाडौँ। उपसभामुख इन्दिरा रानाले रुपान्तरण भाषण गरेर मात्रै नआउने बताएकी छिन् ।

ललितपुरमा मंगलवार आयोजित एक कार्यक्रमलाई सम्बोधन गर्दै उनले अब हरेक नीति निर्माणको तहमा युवाहरुलाई ल्याउन जरुरी रहेको बताएकी छिन् । उनले अहिले अंग्रेजी युकेजीमा पढ्ने बालकले समेत राम्रोसँग बोल्ने भन्दै अंग्रेजी भाषाबाट धेरै कुरा सिक्ने गरिएको बताउदै प्रविधिको विस्तारसँगै हुने नकारात्मक सूचनाहरु भने अभिभावकहरुले विचार गर्नुपर्ने बताइन् । उनले स्थानीयहरुको मर्म बुझेको, गाउँलाई बुझेको व्यक्तिलाई नै जनताले छान्नुपर्ने बताइन् ।

उनले भनिन्, ‘वास्तवमा रुपान्तरण भन्नेकुरा बोलेर, भाषण दिएर हुँदैन । बच्चाहरुलाई एक्शनमा ल्याउनुपर्छ । युवाहरुलाई । उनीहरुलाई स्थान दिनुपर्छ । अंग्रेजी सिक्न टिचर चाहिँदैन । बच्चाहरु हामी भन्दा जान्ने हुन्छन् आफैँ । युकेजी पढ्ने बच्चाले मज्जाले अंग्रेजी बोलिदिन्छ । मैले नजानेको वर्ड उसलाई थाहा हुन्छ । इंग्लिसबाट धेरै इन्फरमेसनहरु बच्चाहरुले पाइरहेको छ । यसलाई कसरी राम्रोसँग म्यानेज गर्ने भन्ने हो । गलत सूचनामा हामीले ध्यान दिनुपर्छ ।’

उपसभामुख रानाले देशको शैक्षिक स्थिति नाजुक रहेको बताउदै हरेक क्षेत्रमा युवालाई समावेश गरेर अघि बढ्न जरुरी रहेको जिकिर गरेकी छिन् ।