कालीगण्डकीमा आमा छोरा हराएपछि खोजी कार्य गर्न सुरु

काठमाडौँ ।  कालीगण्डकीमा आमा छोरा बेपत्ता भएको आशङ्कामा सशस्त्र प्रहरीले खोजी कार्य सुरु गरेको छ र उनीहरू सम्पर्कमा समेत नरहेकोले कालीगण्डकी नदीमा बेपत्ता भएको हुन सक्ने आशङ्कामा आज बिहानै देखि सशस्त्र प्रहरी गुल्म स्याङ्जाबाट सशस्त्र प्रहरी निरीक्षकको कमान्डमा सुरक्षा फौज परिचालन गरी खोजी कार्य सुरु गरिएको हो ।

नदीको किनारमा रहेको प्रतीक्षालयमा महिलाले बोक्ने झोला, चप्पल, मोबाइल र बच्चाको जुत्ता फेला परेकोमा उक्त सामान सोही जिल्ला कालीगण्डकी गाउँपालिका–४ विर्घा बस्ने वर्ष २७ कि श्यामकला पाण्डे र निजको छोरा वर्ष ६ को अर्पित पाण्डेको रहेको बुझिन आएपछि खोजी कार्य थालिएको छ ।