१५ श्रावण २०८२, बिहीबार
एजेन्सी। इजिप्टका राष्ट्रपति अब्देल–फताह अल–सिसीले सेप्टेम्बरमा प्यालेस्टाइन राज्यलाई मान्यता दिने बेलायतको मनशायलाई स्वागत गरेका छन् । यसलाई दुई–राज्य समाधानलाई अगाडि बढाउने दिशामा एक कदमका रुपमा लिएको बताए । बेलायतले प्रतिवन्ध वा पूर्वशर्त बिना सकेसम्म चाँडो यो ऐतिहासिक निर्णय लिने अपेक्षा आफूले गरेको बताए ।
उनले इजिप्टको लामो समयदेखिको अडानलाई पुष्टि गरे । बेलायती प्रधानमन्त्री स्टारमरले बेलायतले सेप्टेम्बरमा संयुक्त राष्ट्र संघको बैठकमा प्यालेस्टाइन राज्यलाई मान्यता दिने बताएका थिए । गत हप्ता फ्रान्सेली राष्ट्रपति इमानुएल म्याक्रोनले सेप्टेम्बरमा हुने संयुक्त राष्ट्र संघको महासभाको ८० औं सत्रमा फ्रान्सले प्यालेस्टाइन राज्यलाई आधिकारिक रूपमा मान्यता दिने पुष्टि गरे ।
प्रकाशित मिति: १५ श्रावण २०८२, बिहीबार
