टर्कीमा डढेलोको जोखिम बढ्दै

एजेन्सी। टर्किए अहिले डढेलोसँग लडिरहेको छ । उत्तरपश्चिममा आगो तिब्र गतिले फैलिएपछि गाउँ खाली गराउन शुरु गरिएको छ । तेज हावा र उच्च तापक्रमको बीचमा नयाँ अग्नि नियन्त्रक अभियान शुरु गरेको छ । राष्ट्रपति सञ्चार निर्देशनालयले साँझ भन्यो कि जुलाई २६ मा देशभर एकैसाथ ८४ वटा डढेलो लागेको थियो । उत्तरपश्चिमी प्रान्त बुर्सामा दुई अलग–अलग स्थानहरूमा आगो लागेको छ ।

चुनौतीपूर्ण मौसमी अवस्थाको बीचमा अग्नि नियन्त्रकहरू र बासिन्दाहरू आगोलाई पूर्ण रूपमा नियन्त्रणमा ल्याउन संघर्ष गरिरहेका छन् । बुर्सा नगरपालिकाका अनुसार अहिलेसम्म लगभग ३ हजार हेक्टर जमिन जलेको छ । कुल ३ हजार ५ सय १५ बासिन्दाहरूलाई खाली गरिएको छ । आगो निभाउने क्रममा एक अग्निनियन्त्रकको हृदयघातबाट मृत्यु भएको छ । बुर्सामा अग्नि क्षेत्रमा आपूर्ति पुर्याउने पानीको ट्याङ्कर सडकबाट भत्किएर पल्टिएर तीन जनाको मृत्यु भएको छ । उत्तरी प्रान्त काराबुकमा पनि अग्निनियन्त्रण कार्य जारी छ । जहाँ पछिल्लो रिपोर्टहरूअनुसार भिरालो, चट्टानी भूभागको क्षेत्रमा ६ दिनदेखि आगो बलिरहेको छ । यस क्षेत्रमा २ हजार हेक्टरभन्दा बढी जमिन जलेको छ ।

दक्षिणपूर्वी क्षेत्रको काहरामनमारसमा पनि आगो लागेको छ । जसले लगभग ५०० हेक्टर जमिनलाई क्षति पुर्याएको छ । मौसम विज्ञान महानिर्देशनालयकाअनुसार तापक्रम मौसमी मापदण्डभन्दा ६ देखि १२ डिग्री सेल्सियस माथि रहेको छ ।