जोर्डन र युएईद्वारा गाजामा संयुक्त रुपमा हवाई ढुवानी

एजेन्सी । जोर्डन सशस्त्र बल (जेएएफ) र संयुक्त अरब इमिरेट्स (यूएई) ले गाजापट्टीमा मानवीय सहायताको तीनवटा हवाई ढुवानी गरेको छ । मानवीय अवस्था बिग्रँदै जाँदा हवाई ढुवानी पुनः शुरु भएको हो । एन्क्लेभका धेरै स्थानहरूमा कुल २५ टन सहायता पुर्याइएको छ ।

हवाई ढुवानी बाहेक, खाद्यान्न आपूर्ति बोकेका ६० ट्रक सामान गाजाको लागि पठाएका हुन् । गाजा द्वन्द्व शुरु भएदेखि जोर्डनले ७ हजार ९ सय ३२ ट्रकहरूमा सामान भरेर पठाएको छ । जेएएफले अन्य देशहरूसँग २६७ संयुक्त हवाई ढुवानीसहित स्वतन्त्र रूपमा १२७ हवाई ढुवानी पनि गरिसकेको छ ।