९ श्रावण २०८२, शुक्रबार
एजेन्सी। उत्तरी चीनको भित्री मंगोलिया स्वायत्त क्षेत्रमा रहेको तामा–मोलिब्डेनम अयस्क–ड्रेसिङ प्लान्टमा अध्ययन भ्रमणको क्रममा फ्लोटेशन सेलमा खसेर ६ जना विश्वविद्यालयका विद्यार्थी डुबेको स्थानीय अधिकारीहरूले बताएका छन् ।
नगरपालिका आपतकालीन व्यवस्थापन ब्युरोकाअनुसार हुलुनबुइरमा रहेको चाइना नेशनल गोल्ड ग्रुप कम्पनी लिमिटेड अन्तर्गतको खानी कम्पनीद्वारा सञ्चालित प्लान्टमा दुर्घटना भएको हो । उत्तरपूर्वी विश्वविद्यालयमा पढ्ने सबै विद्यार्थी फ्लोटेशन प्रक्रियाहरू अवलोकन गरिरहेका थिए ।
अध्ययन अवलोकनकै क्रममा ग्रिड प्लेट भत्किएको हो । जसले गर्दा उनीहरू फ्लोटेशन सेलमा डुबे । सबैलाई सेलबाट उद्धार गरिए पनि पछि चिकित्सा कर्मचारीहरूले मृत घोषित गरेका छन् । घटनामा एक शिक्षक पनि घाइते भएका छन् ।
प्रकाशित मिति: ९ श्रावण २०८२, शुक्रबार
